Türkiyədə Azərbaycan prezidenti İlham Əliyev və Ermənistan baş naziri Nikol Paşinyan arasında görüş planlaşdırılmayıb.
Birinci24 informasiya agentliyi xəbər verir ki, bunu AzadlıqRadiosunun erməni xidmətinə Paşinyanın mətbuat katibi Nazeli Bağdasaryan deyib.
Azərbaycan prezidenti İ.Əliyevin iyunun 19-da Türkiyəyə səfəri gözlənir. Səfər çərçivəsində Əliyev və Rəcəb Tayyib Ərdoğan Kahramanmaraş şəhərində 2023-cü ildə baş vermiş zəlzələdən sonra tikilmiş “Azərbaycan Məhəlləsi”nin açılışında iştirak edəcək.
