Moldovada yaşayan həmvətənlərimiz Fransanın bu ölkədəki səfirliyi qarşısında dinc aksiya keçiriblər. Bu barədə Azərbaycanın Moldovadakı səfiri Qüdsi Osmanov feysbuk sosial şəbəkəsində paylaşım edib.
Moldova azərbaycanlılar Konqresinin təşkilatçılığı ilə Kişinyovda səfirlik binası qarşısına toplaşan azərbaycanlı gənclər Fransa Senatının nümayəndələri tərəfindən ölkəmizə qarşı irəli sürülən ermənipərəst qətnaməyə etiraz ediblər. Aksiya iştirakçıalrı Ermənistan və Fransanın müharibə cinayətlərini, törətdikləri soyqırımları əks etdirən plakatlar nümayiş etdirib, “Qarabağ Azərbaycandır!” şüarını səsləndiriblər.