Bu il Ərbəin ziyarətinə qatılan zəvvarların sayı gözlənilməz dərəcədə çoxdur. Bu haqda İraqın əl-Afaq telekanalı məlumat yayıb. Qeyd olunub ki, 2022-ci ildə Kərbəlaya 20 milyona yaxın zəvvarın gəlişi gözlənilir. İraqa artıq üç milyon ziyarətçinin daxil olduğu bildirilib.
Yol boyu zəvvarlara səhiyyə, qidalanma və digər sahələr üzrə xidmət göstərilir. Ziyarətçilər üçün, həmçinin xüsusi səyyar və daimi obyektlər fəaliyyət göstərir. Onlardan 14 mini yerli, 500-ü isə xarici ölkələrə aiddir.
Qeyd edək ki, Ərbəinə 2 gün qalıb. Bununla belə minlərlə insan hələ də İran-İraq sərhədindən keçə bilmir.
