Müğənni Adel Las-Veqasda baş tutan konsertində səhnəyə peyntbol silahına çox oxşayan əşya ilə səhnəyə çıxıb.
Birinci 24 xəbər verir ki, ifaçı onu dinləməyə gələnlərə iradını bildirib. O, insanların konsertdə davranış qaydalarını unutduğunu vurğulayıb: “Sənətçilərin başına hər cür zibil atırlar. Amma sizi əmin edirəm ki, əgər mənə bir şey atmağa cəsarət etsəniz, sizi güllələyəcəyəm”.
Daha sonra isə Adel səhnənin kənarına yaxınlaşıb və alindəki əşya ilə tamaşaçılara tərəf atəş edib.
Bəlli olub ki, ifaçının əlindəki mexanizm top formasında bükülmüş və üzərində Adelin fotosu olan köynəkləri pərəstişkarlarına atmaq üçün hazırlanıb.
