“Xural TV”nin baş redaktoru Əvəz Zeynallının 26 sentyabrda Bakı Apellyasiya Məhkəməsində növbəti məhkəmə prosesi keçirilib.
Qədim Babayevin sədrliyi ilə keçirilən məhkəmədə Əvəz Zeynallının ev dustaqlığına buraxılması ilə bağlı vəsatəti təmin olunmayıb Onun vəkili Aqil Layic deyir ki, bundan sonrakı addım Avropa Məhkəməsinə verməkdir.
Əvəz Zeynallının xanımı Məlahət Zeynallı həyat yoldaşının təqsirsiz olduğuna inanır.
Jurnalist Əvəz Zeynallı sentyabrın 10-dan 11-nə keçən gecə saxlanılıb. O “Baku Steel Company”-nin sabiq rəhbəri, həbs olunmuş iş adamı Rasim Məmmədovun ailəsindən hədə-qorxu yoluyla rüşvət almaqda təqsirləndirilir.
