Əməkdar artist Nahidə Orucova aktyor və aktrisalardan gileylənib.
Bu barədə aktrisa “Səhərin səsi” verilişində danışıb. O, bəzilərinin sadəcə reklam üçün bu sahəyə gəldiyini bildirib:
“Bir də görürsən teatra elə adam gəlir ki, heç yerində deyil. Hərəkətini, danışığını bilməyən aktrisalıq edir. Amma nə edək? Serial çəkilişlərinə gedirsən, baxırsan ki, heç bu adamı tanımırsan. Haradan peyda oldu, haranı bitirdi? Belələri çoxdur. Elələri var ki, heç pul da istəmirlər. Sadəcə reklam olunmaq istəyirlər ki, filan serialda çəkilib. İstedadı olmayanlar özünü elə aparır ki…”.
