“Ukrayna Prezidenti Volodimir Zelenski ukraynalıların müharibə başlayandan sonra tərk etdiyi Qərb ölkələrinin hakimiyyət orqanlarını hərbi yaşda olan kişilərin geri qayıtmasına kömək etməyə çağırıb”.
Birinci24.com xəbər verir ki, bu barədə “Bloomberg” məlumat yayıb.
Bildirilir ki, Ukrayna lideri ikitərəfli görüşlər çərçivəsində müttəfiqlərdən bu barədə soruşub. Bununla belə, agentlik iddia edir ki, “Polşadan Macarıstana qədər” ölkələrin siyasətçiləri müharibə davam etdiyi müddətdə ukraynalı qaçqınları vətənlərinə göndərməyəcəklərini bəyan ediblər.
Nəşr qeyd edir ki, ukraynalı qaçqınları qəbul edən ölkələr yeni işçilərdən iqtisadi cəhətdən faydalanır:
“Bu ölkələrdəki bir çox şirkətlərdə, məsələn, yeni tikilmiş avtomobil və ya akkumulyator zavodlarında işçilər yoxdur. Birləşmiş Millətlər Təşkilatının Qaçqınlar üzrə Ali Komissarlığının (BMT QAK) məlumatlarına əsasən, Rusiyanın tammiqyaslı işğalı başlayandan bəri təxminən 17 milyon ukraynalı – ölkənin üçdə birindən çoxu, evlərini tərk etmişlər. Altı milyondan çox Ukrayna vətəndaşı xaricdə qaçqın olaraq qalır.
Xüsusilə, müharibədən əvvəl ukraynalıların yaşadığı Polşa Ukraynadan 950 mindən çox qaçqını qəbul edib. Eyni zamanda, onların 2023-cü ildə ölkənin ÜDM-ə töhfəsi 0,7-1,1% səviyyəsində qiymətləndirilir. Bundan əlavə, Polşadakı ukraynalı qaçqınlar əsasən özlərini dolandırırlar: gəlirlərinin 80%-i ölkədə tapdıqları işlərdən əldə olunan maaşlar hesabına olur. Çexiyada ukraynalı qaçqınlar 2024-cü ilin birinci rübündə sosial yardımdan az qala iki dəfə çox vergi ödəyiblər”.
“Düzünü desəm, bir çox Çex şirkətləri ukraynalı qaçqınların bacarıqlarından və işindən asılıdır. Məsələn, tikinti sənayesi ukraynalı işçilər olmasaydı, dayanacaqdı”, – Çexiya pərakəndə satış və qonaqpərvərlik sənayesi üzrə əsas lobbi qrupunun rəhbəri Tomas Prouza izah edib.
