“7 oktyabr 2023-cü ildən bəri anklavda davam edən döyüşlər nəticəsində BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) Qəzza zolağındakı məktəblərinin təxminən 70%-i dağıdılıb və ya zədələnib”.
Birinci24.com xəbər verir ki, bu barədə agentliyin sədri Filip Lazzarini sosial şəbəkə hesabında məlumat yayıb.
“Qəzzada məktəblərimizin 70%-dən çoxu dağıdılıb və ya zədələnib. Məktəblərimizin böyük əksəriyyəti indi yüz minlərlə köçkün ailənin yaşadığı sığınacaqlara çevrilib. Onlardan təhsil üçün istifadə edilə bilməz”, – Lazzarini bildirib.
Qəzza hakimiyyətinin mətbuat xidmətinin dərc etdiyi son məlumatlara görə, zolağın bütün eskalasiyası dövründə 122 təhsil müəssisəsi tamamilə dağıdılıb, daha 334-ü isə zədələnib.
