Fələstinin HƏMAS hərəkatı hərəkatın Siyasi Bürosunun rəhbəri Yəhya Sinvarın ölümünü təsdiqləyib.
Birinci24.com xəbər verir ki, bu barədə HƏMAS Siyasi Bürosunun sədr müavini Xəlil əl-Həyya məlumat verib.
Oktyabrın 17-də İsrail Müdafiə Qüvvələri (IDF) 2023-cü il oktyabrın 7-də İsrailə qarşı misli görünməmiş hücumun əsas təşkilatçısı hesab edilən Sinvarın Qəzza zolağında İsrail hərbçiləri tərəfindən öldürüldüyünü rəsmən elan edib.
“HƏMAS siyasi bürosunun rəhbəri, komandir Yəhya Sinvar üçün yas tuturuq”, – əl-Həyya bildirib.
Onun sözlərinə görə, Sinvar döyüşdə həlak olub.
Qeyd edək ki, Sinvar avqust ayından HƏMAS-ın Siyasi Bürosuna rəhbərlik edir. Onun sələfi İsmayıl Haniyə iyulun sonunda Tehranda öldürülüb.