İranın Ali Məhkəməsi Azərbaycanın Tehrandakı səfirliyinə hücum edən Yasin Hüseynzadə barəsində ölüm hökmünü təsdiqləyib.
“İş Tehrana cinayət hökmlərinin icrasına göndərilib”, İranın Məhkəmə və Ədliyyə sisteminin sözçüsü deyib.
2023-cü il yanvarın 27-də Bakı vaxtı ilə səhər saat 08:30 radələrində Azərbaycan Respublikasının İran İslam Respublikasındakı səfirliyinə silahlı hücum olub.
Səfirliyin mühafizə xidmətinin rəisi Orxan Əsgərov qətlə yetirilib. Xidmətin iki əməkdaşı – Vasif Tağıyev və Mahir İmanov yaralanıb.
Hadisədən sonra Azərbaycanın İrandakı səfirliyinin fəaliyyəti dayandırılıb. Səfirliyin əməkdaşları Bakıya təxliyə olunub. Azərbaycan tərəf baş verənləri terror kimi qiymətləndirib.
