Avropa İttifaqı ölkələrinin Brüsseldəki səfirləri bir neçə saat əvvəl Aİ-nin Ermənistandakı mülki missiyası ilə bağlı qərar layihəsini təsdiqləyiblər.
Birinci24 informasiya agentliyi Ermənistan mətbuatına istinadən xəbər verir ki, qərara əsasən avropalı müşahidəçilər daha iki il – 2027-ci il fevralın 19-dək Ermənistanın sərhədyanı rayonlarında qalacaqlar.
Qərar layihəsinə əsasən, müşahidəçilərin tərkibi və sayı dəyişməz qalacaq: 165 beynəlxalq və 44 erməni işçi.
Aİ-nin Ermənistandakı missiyasının fikrincə, bu qərar da yaxın gələcəkdə Aİ-yə üzv ölkələrin xarici işlər nazirləri tərəfindən təsdiqlənməlidir ki, bu da əslində formal xarakter daşıyır, çünki bu ölkələrin səfirləri bu gün öz mövqelərini ifadə ediblər. Ermənistan hökuməti də bu layihənin lehinə səs verəcək.
