Türkiyə Səyyahlar Klubunun üzvlərinin işğaldan azad edilmiş Qarabağ və Şərqi Zəngəzura səfəri davam edir.
Bu gün Cəbrayıl rayonuna gələn türkiyəli səyahətçilər Xudafərin körpüləri ilə də tanış olublar.
Qonaqlara Araz çayı üzərində inşa olunan körpülər barədə məlumat verilib. Bildirilib ki, unikal memarlıq abidəsi olan Xudafərin körpüsü Azərbaycan memarlıq məktəbinə uyğun tikilib.
Qeyd edək ki, ötən bir ildə dünyanın 4 əsas beynəlxalq səyahətçilər şəbəkəsinin (ETIC, MTP, TCC, Nomanmania) hər birinin rəhbərləri və tanınmış üzvləri səviyyəsində Qarabağ və Şərqi Zəngəzura ümumilikdə 4 dəfə böyük heyətlərlə səfərlər edilib. Bu səfərlərdə ümumilikdə 30-a yaxın ölkədən təxminən 200 beynəlxalq səyahətçi azad edilmiş ərazilərdəki vəhşiliklərlə, dağıntılarla, böyük bərpa və quruculuq işləri ilə yerində tanış olub.
