Konklav – Papanın qapalı seçkisi mayın 5-dən keçirilə bilər.
Birinci24 informasiya agentliyi xəbər verir ki, bu tarix Kardinallar İcması tərəfindən qəbul edilmiş ritual təqvimində də göstərilir, baxmayaraq ki, bu tarix, aprelin 26-da dəfn mərasimindən sonra müəyyən ediləcək.
Müqəddəs Taxt-Tacın mətbuat xidməti bildirib ki, Kardinallar İcmasının çərşənbə günü keçirilən iclasında dəfn günündən başlayaraq mayın 4-dək novendial (Papa üçün doqquz günlük matəm) elan edilməsi qərara alınıb.
İlk ayin dəfn günü keçiriləcək. Bu tarixdən etibarən ayinlər hər gün Müqəddəs Pyotr Bazilikasında Roma Katolik Kilsəsinin müxtəlif nümayəndələrinin iştirakı və müxtəlif kardinalların başçılığı ilə icra olunacaq.
Müqəddəs Taxt-Tacın mətbuat xidməti qeyd edib ki, boş olan Apostol taxtının dövründə cari məsələləri həll edən yığıncaqda hazırda 103 kardinal iştirak edir. Vatikanda başqa iyerarxların da olacağı gözlənilir.
Bunlardan Kardinallar Kolleci kilsənin 252 şahzadəsindən ibarətdir, onlardan 135-i konklavda iştirak edəcək və səsvermə hüququna malik olacaq.
Bunlara yaşı 80-dən az olan kardinallar daxildir və onların hər biri papalıq taxtına potensial namizəd sayıla bilər.
Konklav Sikstin kapellasında keçirilir. Hər gün dörd səsvermə aparılır. Papa seçilmək üçün səslərin üçdə ikisi tələb olunur. Roma Katolik Kilsəsinin yeni rəhbərinin seçilməsi Müqəddəs Pyotr meydanında aydın görünən bacadan çıxan ağ tüstü ilə elan edilir.
Qeyd edək ki, 2013-cü ildən Roma Katolik Kilsəsinə rəhbərlik edən Papa Fransisk aprelin 21-də insultdan 89 yaşında vəfat edib. Onunla vida mərasimi Müqəddəs Pyotr bazilikasında keçirilir. Fransisk “Santa Maria Maggiore” Bazilikasında dəfn edilməsini vəsiyyət edib. Dəfn mərasimi aprelin 26-da baş tutacaq.
