İsrailin Baş naziri Benyamin Netanyahu mayın 7-də Azərbaycana səfər edəcək.
Birinci24 informasiya agentliyi “AIA Global News”a istinadən xəbər verir ki, ölkənin baş naziri “Kanaf Zion” (“Sion qanadı”) adlı hökumət təyyarəsi ilə Azərbaycana uçacaq.
“Bu o deməkdir ki, Türkiyə təyyarənin öz hava məkanından keçməsinə icazə verib”, – nəşr bildirib.
Xatırladaq ki, Türkiyə 2024-cü ilin noyabrında İsrail Prezidenti İsxak Hersoqun təyyarəsinin hava məkanına daxil olmasına icazə verməmişdi. Həmin vaxt o, COP29 sammitində iştirak etmək üçün Bakıya gəlməyi planlaşıdırırdı.
