“Azərbaycan və Ermənistan arasında tezliklə sülh sazişinin imzalanması mümkündür”.
Bu barədə Ermənistanın baş naziri Nikol Paşinyan 2024-cü ilin noyabrında Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) zamanı sülh sazişinin imzalana biləcəyi ilə bağlı Azərbaycanın bəyanatlarına cavab olaraq bildirib.
Paşinyan qeyd edib ki, tərəflər mətn üzərində işi tam başa çatdırmağa nail olduqdan sonra yer və vaxt üzərində məsələlər daha ətraflı müzakirə oluna bilər.
Onun sözlərinə görə, daha əvvəl İrəvan və Bakı tərəfləri əvvəllər Praqa və Brüsseldə ümumi prinsiplər barədə razılığa gəliblər, lakin indi bu prinsipləri kağız üzərində əks etdirmək lazımdır.
