Kılıçdaroğlu və Akşener arasında İmamoğlu “müharibəsi” davam edir.
Ölkəyə qayıdan CHP lideri Kemal Kılıçdaroğlu ötən gün səhər HalkTV-də çıxdığı canlı yayımda Ekrem İmamoğlu üçün İstanbulluları nəzərdə tutaraq “16 milyon arxandadır” dedi. Axşam saatlarına doğru Meral Akşener isə İmamoğlu ilə birlikdə mitinqə çıxaraq “16 milyon deyil, 85 milyon sənin arxandadır” – deyə cavab verdi.
Mitinqdən sonra CHP-nin rəsmi hesabından Kılıçdaroğlunun “Nə edirlərsə, etsinlər heç kim Ekrem İmamoğlunu İstanbullulara xidmət etməkdən çəkindirə bilməz” sözlərini paylaşdı.
Dərhal sonra isə Meral Akşener mitinqdən şəkil paylaşaraq “Diktatura qarşısında 85 milyon sənin yanında” sözlərini yazdı.
Görünür ki, prezidentliyə namizədlik yarışında Kılıçdaroğlu güc itirməyə davam edir. Akşener isə yaranmış böhranı fürsətə çevirməklə İmamoğlunun namizədliyini reallaşdırmağa çalışır.
